INFOMAX.MK

Шефот на Чеченија, Рамзан Кадиров, на Телеграм порача дека целосно го поддржува секој збор на рускиот претседател Владимир Путин.

„Имаме врховен командант, избран од народот, кој ја знае целата ситуација до најситни детали подобро од кој било стратег, а уште повеќе од бизнисмен. Ние гледаме само еден дел од картата, а тој гледа сè одеднаш! Владимир Владимирович сосема со право забележа во своето обраќање до нацијата – ова е воен бунт! Нема оправдување за таквите постапки! Целосно го поддржувам секој збор на Владимир Владимирович Путин“, напиша Кадиров.

Тој ги повика борците да не наседнуваат на провокации, нагласувајќи дека безбедноста на државата и кохезијата на руското општество во таков момент се пред се.

Погледнете како нашите непријатели на Запад ја користат оваа ситуација. Колку полнење, колку лаги, колку лажни апели кои ги плашат нашите граѓани, создаваат опасност од дестабилизирачка состојба. А тоа се очекуваните последици од предавничкиот марш на Пригожин“, додаде тој.
Кадиров нагласи и дека ова што се случува не е ултиматум до Министерството за одбрана, туку предизвик за државата, против кој „сите мора да се обединат“.

Рускиот претседател Владимир Путин во обраќањето до Русите рече дека сите одговорни за обидот за бунт ќе претрпат неизбежна казна, ќе одговараат пред законот и пред народот.

Кадиров додаде дека борците на Министерството за одбрана и руската гарда во Чеченската Република веќе заминале во зоните на тензија.
„Борците на Министерството за одбрана и Руската гарда во Чеченската Република веќе заминаа во зоните на напнатост. Ќе направиме се за да го зачуваме единството на Русија и да ја заштитиме нејзината државност“, напиша Кадиров.
Тој исто така изјави дека бунтот мора да се задуши.

Добивајте ги најновите вести во нашите групи на Вибер и Телеграм и дебатирајте во Телеграм групата за дебата на Инфомакс.