Шварценегер: Нашите раце се крвави, затоа што ја финансираме војната

„Како и да погледнете, имаме крв на рацете затоа што ја финансираме војната“ во Украина. Ова го рече поранешниот гувернер на Калифорнија, Арнолд Шварценегер, говорејќи на конференцијата за клима во Австрија, на Австрискиот Светски самит, лансиран за првпат токму од него во 2017 година.

Шварценегер се повика на истражување според кое Европа ѝ платила на Русија десетици милијарди долари за увоз на енергија во првите два месеци од 2022 година.

Војната во Украина е една од причините за запирање на користењето фосилни горива, рече Шварценегер, кој долго време води кампања против загадувањето на животната средина.

„Мораме да направиме се што е потребно за да ја елиминираме нашата зависност од фосилните горива“, „мора да бидеме дел од решението, а не дел од проблемот. Банкротот не е опција “, заклучи актерот и поранешен гувернер на Калифорнија од 2003 до 2011 година.

Share on Facebook

Tweet

Follow us

Save