INFOMAX.MK

Шведскиот министер за цивилна одбрана Карл-Оскар Болин издаде предупредување до граѓаните во неделата, пренесува „Euroactiv“.

„Уттехата дека сме нација на мирот стана поопасна од кога било“, рече тој. „Многумина го кажаа тоа пред мене, но дозволете ми да го кажам во официјално својство, сосема јасно: Може да има војна во Шведска.

Во мај 2022 година, Шведска и Финска, познати по својата неутралност, објавија дека ќе се приклучат на НАТО како одговор на руската инвазија на Украина. Финска официјално се приклучи на алијансата во април 2023 година, но кандидатурата на Шведска наиде на пречки од Турција, каде Националното собрание треба да даде зелено светло.

Министерот Болин рече дека неговите зборови немале за цел да предизвикаат страв, туку да создадат „свест за ситуацијата“.

Според него, и Украинците веројатно мислеле дека нивните конфликти со Русија се минато се додека претседателот Владимир Путин не одлучил нелегално да го анектира Крим во 2014 година, а потоа започнал целосна инвазија на земјата осум години подоцна.

Според шведскиот министер за одбрана Пал Јонсон војните во Украина и на Блискиот Исток покажуваат дека „светот станал поопасен отколку пред само една година“.

Тој, исто така, ја наведе „неизвесноста“ за насоката што ќе ја преземат САД по изборите во 2024 година.

„Не може да се исклучи вооружен напад врз Шведска“, рече Џонсон.