Шерман: Во случај да Северна Кореја изврши нуклеарна проба САД, Јужна Кореја и целиот свет јасно ќе дадат одговор

-Во случај да Северна Кореја изврши нуклеарна проба, САД, Јужна Кореја и целиот свет јасно ќе дадат одговор на тоа, истакнува заменичката на американскиот државен секретар, Венди Шерман.

-Каква и да биде, нуклеарна проба би претставувала кршење на резолуцијата на Советот за безбедност на ОН и ќе повлече со себе брз и силен одговор. Јас верувам дека не само Јужна Кореја, САД, Јапонија, туку и целиот свет ќе одговори на тие проби, изјави Шерман, по разговорот со нејзиниот јужнокорејски колега, Чо Хјун-Донг.

Шефот на Меѓународната агенција за нуклеарна енергија, Рафаел Гроси, вчера истака дека Северна Кореја продолжува да ја шири својата главна нуклеарна централа во Јонгбјон и тоа може да ја загрозе сигурноста на луѓето.

Share on Facebook

Tweet

Follow us

Save