INFOMAX.MK

Основачот на платеничката група Вагнер, Евгениј Пригожин, истакна дека руските сили мора да го освојат украинското упориште Бахмут за да продолжат со нивната воена операција, но вели дека украинските трупи пружаат жесток отпор.

Руските сили се обидуваат да го опкружат и заземат Бахмут, град во регионот Донбас кој стана централно место на војната во Украина.

Во интервју за руски воен дописник што го пренесуваат западните медиуми, Пригожин вели дека Москва мора да постави јасни цели во својата операција, што, според него, значи „цврсто утврдување на своето присуство во источна Украина или притискање напред за заземање повеќе од земјата“.

Бахмут е потребен за нашите војници да можат да дејствуваат без проблеми. Зошто тој град се нарекува „мелница за месо“? Затоа што украинската армија испраќа се повеќе единици. Веројатно е рано да се каже дека сме блиску. Има многу патишта кон надвор, а помалку патишта кон внатре.

Украинските трупи се добро обучени… Како и секој голем град, невозможно е директно да се заземе. Ние се снаоѓаме многу добро. Прво, треба тивко да го земеме Бахмут, а потоа јасно и гласно да кажеме дека го зазедовме.

На Русија веројатно ќе и бидат потребни 18 месеци до две години за целосно да обезбеди контрола над источниот индустриски центар Донбас“, вели Пригожин.

Тој додава дека војната би можела да трае три години доколку Русија одлучи да заземе територии источно од реката Днепар.