Шефот на кинеската дипломатија дециден: Пријателството меѓу Русија и Кина е цврсто како камен

Пријателството меѓу Кина и Русија е „цврсто како камен“, а изгледите за соработка се многу широки, изјави денеска кинескиот министер за надворешни работи Ванг Ји.

„Соработката меѓу двете земји носи придобивки и просперитет за двата народа“, рече кинескиот министер на својата годишна прес-конференција на маргините на годишната седница на кинескиот парламент.

Според него, Кина е подготвена да ја продолжи својата конструктивна улога во промовирањето на мировните преговори меѓу Руската Федерација и Украина, доколку има потреба од посредување, пренесува РИА Новости.

Шефот на кинеската дипломатија рече и дека Пекинг отсекогаш бил објективен и праведен, а за решавање на сложените проблеми потребна е смиреност и рационалност.

Од таа причина, тврди тој, дијалогот мора да продолжи, а фокусот да биде на долгорочна стабилност во регионот.
Ванг исто така рече дека кинескиот Црвен крст ќе собира хуманитарна помош за Украина.

Share on Facebook

Tweet

Follow us

Save