INFOMAX.MK

Американскиот министер за одбрана Лојд Остин предупреди дека исходот од војната во Украина ќе го обликува геополитичкиот поредок во светот во 21 век. Според него, стабилноста и просперитетот се загрозени од конфликтот на истокот на Европа.

Исходот од војната во Украина ќе помогне да се дефинира текот на глобалната безбедност на почетокот на 21 век. Ние во Северна Америка немаме опција да не се вклучиме. Стабилноста и просперитетот на двете страни на Атлантскиот Океан се во прашање. „Руската воена операција ги прекрши правилата на меѓународното право што не чуваше сите нас безбедни“, рече Остин на безбедносниот форум во Халифакс, Канада.

Шефот на Пентагон изјави и дека помагањето на Украина е од национален интерес на САД и дека нема друга опција освен да се продолжи бидејќи тешко дека наскоро ќе започнат мировните преговори. Остин истакна дека, и покрај превласта во воениот потенцијал, Русија не успеа да ја победи Украина, која сега ја очекува сурова зима, бидејќи руските сили продолжуваат да ја напаѓаат инфраструктурата.

Украинскиот народ попрво би бил без парно и струја отколку да седне на преговори со Русија. Америка нема да биде вовлечена во војна што ја започна Владимир Путин, претседателот на Украина – порача Остин.