Шефот на украинската делегација за преговори со Русија: Состојбата е алармантна!

Шефот на украинската парламентарна партија Слуга на народот и шеф на украинската делегација на преговорите со Русија, Давид Арахамија, тврди дека руските сили планираат да извршат нови напади следната недела.

Како што напиша на Телеграм, тие планираат напади врз енергетските објекти во Украина.

„Следната недела би можела да биде многу тешка“, напиша Арахамија на Телеграм.

Тој додаде дека надлежните власти разработуваат различни сценарија за тој случај, пренесува украинската новинска агенција Интерфакс.

Одржани се многу обуки, разработени се акциите на експертите за енергетика и критична инфраструктура, секој знае што да прави. Се подготвуваме. Армијата се подготвува“, напиша Арахамија.

Тој ги повика граѓаните да се грижат за себе и за своите семејства, да складираат вода и храна и да ги наполнат своите телефони

Share on Facebook

Tweet

Follow us

Save