Шолц: Навални со живот ја плати храброста да се врати во Русија
Германскиот канцелар Олаф Шолц, коментирајќи ја веста за смртта на рускиот опозициски лидер Алексеј Навални, изјави дека Русија „повеќе не е демократска држава“.
Шолц ја опиша смртта на Навални како „депресивна“ и оцени дека било многу храбро што Навални се вратил во Русија од Германија, пишува „Зидојче цајтунг“.
Германскиот канцелар оцени дека Навални сега „веројатно со живот ја платил таа храброст“.
Навални почина денеска во затворска колонија во автономниот округ Јамало-Ненецки на 48-годишна возраст.
Канцеларијата на Федералната казнено-поправна служба на Русија за автономниот округ Јамало-Ненецки соопшти дека по прошетката, Навални се чувствувал лошо и изгубил свест, по што бил неуспешно реанимиран, а причината за смртта се утврдува.
Навални отслужуваше 30-годишна затворска казна во рускиот регион под обвинение за екстремизам и измама, а беше познат како остар критичар на Кремљ.
ПОВРЗАНИ ВЕСТИ
Руте: НАТО ќе го брани секој сантиметар…
НАТО ќе го брани секој сантиметар од…
Четворица нападнале 40-годишник и од касата во…
Две лица на возраст од 23 и…
Речиси сите летови во Белгија се откажани…
Речиси сите летови во Белгија ќе бидат…
Мицкоски шокиран од низата случаи на семејно…
Премиерот и претседател на ВМРО-ДПМНЕ, Христијан Мицкоски…
Тереза Меј „вџашена“ од плановите на британскиот…
Поранешната британска премиерка Тереза Меј го предупреди…