Шпанија го oбвини Косово за kpшење на меѓунардното право

Шпанија останува на ставот дека не ја признава декларацијата за независност, која Приштина еднострано ја усвои во 2008 година, и смета дека тоа е еднострано и незаконски чин, соопшти шпанската влада.
Мадрид за приштинска „Газета“ наведува дека пристапот кон Белград и Приштина ќе биде многу конструктивен и дека се свесни за важноста од одржување контакт на двете страни.
„Од нив се бара да ја прифатат неизбежноста на договор кој го почитува меѓународното право, дури и со тешките задачи што тоа ќе ги носи“, рече Патриша Тортоса од Канцеларијата за информирање на шпанското Министерство за надворешни работи.
Тортоса истакна дека прогласувањето независност е чин спротивен на меѓународното право .

За пишувањето на некои медиуми дека Шпанија ќе отвори канцеларија за трговија и култура во Приштина, Тортоса рече дека „нема што да се пријави“.
Од Министерството за надворешни работи на привремените приштински институции потврдија дека односот на Шпанија кон Косово и Метохија не е променет, но тврдат дека има контакти меѓу Приштина и Мадрид, наведува „Газета“.
Што се однесува до најавата дека Шпанија ќе отвори канцеларија за трговија и култура, тие рекоа дека „никогаш не коментираат процеси од ваков карактер“, пренесе Танјуг.
Шпанија е една од петте членки на Европската унија која не ја признава еднострано прогласената независност на Косово.

Share on Facebook

Tweet

Follow us

Save