Шпанскиот премиер на враќање од Србија накратко ќе помине и во Скопје
Премиерот на Кралството Шпанија, Педро Санчез Перез-Кастехон в недела доаѓа во еднодневна официјална посета на Република Македонија.
Се очекува тој во Скопје да има средби со премиерот Димитар Ковачевски и со претседателот Стево Пендаровски.
Посетата на Македонија е дел од турнеја на Санчез низ земјите од Западен Балкан, што ги вклучува и Србија, Босна и Херцеговина, Црна Гора и Албанија.
Кабинетот на шпанскиот премиер соопшти дека Санчез ќе ги охрабри сите балкански земји да ги спроведат неопходните реформи што ќе им овозможи да го забрзаат приклучувањето во ЕУ и ќе им пренесе дека можат да сметаат на Мадрид за време на шпанското претседателство со Унијата во втората половина на 2023 година.
Санчез има намера да ја покаже и важноста што Шпанија ја придава на билатералните политички, економски и културни односи со државите од Западен Балкан, како и поддршка за напорите што ги преземаат да бидат дел од ЕУ.
Поддршка која веќе беше пренесена на самитот на лидерите на ЕУ и Западен Балкан што се одржа минатиот месец во Брисел пред состанокот на Европскиот совет, на кој Санчез се заложи за старт на преговорите со Македонија и Албанија и давање статус кандидат за чченство на Босна и Херцеговина
ПОВРЗАНИ ВЕСТИ
Трамп најави дека ќе објави детали за…
Американскиот претседател Доналд Трамп изјави дека располага…
Преговори за нов попуст: ќе продолжи ли…
Ќе плаќаат ли возачите помалку за дизел…
Барнам: Британија се соочува со „економска катастрофа…
Велика Британија се соочува со „економска катастрофа…
Болтон: „Зеленски нема добро да помине ако…
Џон Болтон, поранешен советник за национална безбедност…
Макрон во посета на земјите од Персиски…
Претседателот на Франција, Емануел Макрон денеска почна…