Штипјани нема да останат без вода: Цистерни се распоредени низ градот

Штипјани и денеска да не ја користат вода за пиење и готвење. Водата од системот за водоснабдување е само за техничка употреба.

Директорот на ЈП „Исар“, Трајче Здравков за МИА вели дека веќе втори ден експертите од Словенија работат на подесување на двата система за водоснабдување. Штип ќе може да се снабдува со вода за пиење од бунарскиот систем и од хидросистемот „Злетовица“.

Здравков закажа прес-конференција во 12 часот на која подетално ќе објасни за каква процедура станува збор, околу прилагодувањето на филтер станицата во која е инсталирана современа опрема за ултра филтрација од над пет милиони евра.

На веб страницата на ЈП „Исар“ ќе бидат објавени локациите во населбите каде ќе има цистерни со вода за пиење и готвење. Здравков апелира граѓаните да имаат разбирање, бидејќи со подесување на системот, градот Штип во наредните децении ќе нема проблеми со водоснабдувањето, ниту пак со намален притисок на водата во високите зони.

Share on Facebook

Tweet

Follow us

Save