Што му кажа Агелер на Пендаровски? Претседателот и амбасадорката зборувале за следни чекори

Претседателот Стево Пендаровски денеска ја прими амбасадорката на Соединетите Американски Држави, Анџела Прајс Агелер, во земјава.

„На средбата беше посочено дека билатералните односи се одвиваат со одлична динамика, согласно долготрајното македонско-американско пријателство, а во духот на стратешкото партнерство и сојузништвото во НАТО. Соговорниците разменија мислења и информации за одвивањето на евроинтегративниот процес и за следните чекори кои треба да бидат преземени во таа насока, како и за состојбите во поширокиот регион во контекст на руската агресија врз Украина“, соопшти кабинетот на претседателот.

Претседателот Пендаровски истакнувајќи дека нашата држава придава особено значење во развојот на односите со САД, изразил уверување дека американската поддршка ќе продолжи и во периодот што претстои, како гарант за мирот, стабилноста и просперитетот на Западниот Балкан.

Share on Facebook

Tweet

Follow us

Save