Ѓоковиќ на сите им е „трн во око“ затоа што е – најдобар!

Српскиот тенисер Новак Ѓоковиќ вчера успешно го помина првото коло на Ролан Гарос, а потоа пред новинарите кажа дека не е изненаден поради тоа што добива најмногу негативни коментари на негова сметка.

Организаторите на Ролан Гарос се обидуваат да ги заштитат тенисерите и тенисерките од навредлива содржина, а според „Волрд Спорт Нетворк“, секој петти твит е против Ѓоковиќ.

„Дали ве чуди тоа? Искрено, мене не ми е чудно. Знаете што кажа Коби Брајант. Одлично е кога некој ве мрази. Затоа што не ве мразат кога сте добри, туку кога сте најдобри. Јас не мразам никого и така ги воспитувам моите деца. Омразата е страшна работа“, кажа Ѓоковиќ.

Ѓоковиќ во второто коло на Ролан Гарос ќе се соочи против Мартон Фучович од Унгарија.

Share on Facebook

Tweet

Follow us

Save