INFOMAX.MK

Градоначалникот на Општина Кисела Вода во текот на денешниот ден стопираше изградба на уште еден нелегален објект. Непознат сторител, без никакво одобрение си поставил армирано-бетонска плоча на улицата „Борис Трајковски“.

Како што напиша Ѓорѓиевски во својата објава на Фејсбук, овој објект уште во текот на денешниот ден е срушен и ваквото однесување и навики од минатото завршуваат.

Во продолжение објавата на Ѓорѓиевски:

Денес стопиравме изградба на уште еден нелегален објект, уште еден обид да се прекрши законот и законските процедури. Непознат сторител, без да поседува никакво одобрение за градба си поставил армирано-бетонска плоча на улицата ,,Борис Трајковски”.

Овој објект денес е срушен и ваквото однесување и навики од минатото завршуваат.

Како што најавив, нашите жители ќе видат еден нов начин на управување со општината, ќе видат што значи нетолеранција на беззаконие и казна за криминалот.

Законот постои за да се почитува и ќе важи поеднакво за сите.

Никој не е и нема да биде над него! – стои во објавата на Ѓорѓиевски.

Објавата на Фејсбук може да ја погледнете ТУКА.