Јадранка Косор повика Хрватска да ги блокира преговорите на Србија и Црна Гора со ЕУ поради Младиќ

Поранешната хрватска премиерка Јадранка Косор ја повика Хрватска да ги блокира преговорите на Европската Унија со Србија и Црна Гора поради реакцијата на српските власти и претседателот на Собранието на Црна Гора Андрије Мандиќ на смртта на воениот злосторник Ратко Младиќ.

„По реакцијата на властите во Србија на смртта на осуден џелат, воен злосторник, Република Хрватска, членка на ЕУ, мора да ги блокира преговорите на таа земја за ЕУ. А и Ц. Гора поради четникот Мандиќ“, напиша Косор.

Ве потсетуваме дека по смртта на воениот злосторник Ратко Младиќ во притворската единица во Шевенинген, претставници на властите во Србија реагираа со величење на воениот злосторник и негирање на злосторствата што ги извршил, меѓу кои и геноцид.

Претседателот на Собранието на Црна Гора и лидер на Новата српска демократија (НСД) Андрија Мандиќ му изрази сочувство на синот на Ратко Младиќ, објави Мандиќ на социјалната мрежа X.

„Тукушто му изразив сочувство на Дарко Младиќ, во мое лично име и во име на Новата српска демократија, по повод смртта на неговиот татко, генерал Ратко Младиќ“, изјави Мандиќ.

Share on Facebook

Tweet

Follow us

Save