Јаневска: Училиштето во Ѓорче Петров реагирало за насилството, родителите да се вклучат повеќе во животот на своите деца

Министерката за образование и наука, Весна Јаневска, денеска потврди дека е запознаена со случајот на врсничко насилство во училиште во општина Ѓорче Петров. Таа нагласи дека образовната установа веќе ги преземала потребните чекори, вклучувајќи пријава до полицијата и социјалните служби.

Министерката упати апел до родителите за поголема вклученост во животот на своите деца, посочувајќи дека институционалните мерки не се доволни без домашна поддршка.

МОН во соработка со Бирото за развој на образованието подготвува нови прирачници и упатства за постапување. Се подготвува проект за справување со семејното насилство, бидејќи агресијата кај децата често е рефлексија на состојбите во домот.

„Сите институции може да постапуваат правилно, но без помош од родителите, успехот ќе биде само делумен“, истакна Јаневска.

Share on Facebook

Tweet

Follow us

Save