Јасна порака од САД: Време е Македонија и Албанија да ги почнат преговорите со ЕУ

САД на билатерална основа водат разговори со Бугарија и Македонија да ги решат билатералните спорови брзо бидејќи време е Македонија и Албанија да ги започнат предпристапните преговори со ЕУ, порачаа од Стејт департментот.

Државниот секретар Ентони Блинкен и министерот за надворешни работи на Франција, Жан-Ив Ле Дриен во телефонски разговор минатата недела укажаа на забрзување на процесот.

На прашање од МИА да се откријат детали и рокови во врска со ова, портпаролот Нед Прајс синоќа одговори дека се продолжува со охрабрување на билатерална основа како на Бугарија така и на Македонија да ги решат билатералните спорови брзо.

-Но, нема да откривам детали за тие разговори, рече Прајс.

Укажа дека САД одамна се голем поддржувач на интеграцијата на Македонија и Албанија во ЕУ.

-Сметаме дека иднината на Западен Балкан е во ЕУ. Процесот на проширување промовира долготраен мир, стабилност и просперитет низ целиот регион, изјави тој.

Тој додаде дека одлуката на ЕУ од март 2020 да се отворат преговорита за пристапување за Македонија и Албанија ја зметаат за позитивен чекор.

-Двете земји ги сработија основните задачи и сметаме дека време е да продолжат заедно во следната фаза од долгиот и полн со предизвици процес на пристапување, повика Прајс.

Додаде дека „историскиот Договор од Преспа покажа дека земјите од Западен Балкан се способни да завршат тешки работи, да дојдат до компромиси и тешки одлуки, и убедени сме дека Бугарија и Северна Македнија ќе го стора т истото со преговарање на нивните билатерални спорови“

Share on Facebook

Tweet

Follow us

Save