„Ја игнорираа забраната за пливање“: Две лица се удавија во Бугарија

Две лица загинаа, давејќи се во морето во Варна, Бугарија. Силниот ветер влијаел на појавата на големи бранови, а според спасувачите на плажата, голем број туристи не го почитувале истакнатото црвено знаме ниту пак, ги слушале предупредувањата, пренесува бугарскиот портал „Труд“.

30-годишен маж се удавил додека пливал ноќе, а 12-годишно момче се удавило преку ден, но во моментот на несреќата со него не биле неговите родители, туку само сестрата којашто ги повикала спасувачите.

„Силниот ветер ја намали температурата на морето за 15 степени и создаде големи бранови. Спасивме повеќе од 10 лица кои ја игнорираа забраната за пливање“, рекол спасителот Георги Есов и додаде дека против несовесните капачи ќе бидат поднесени прекршочни пријави.

Тој исто така изјави дека за првпат во 30 години – колку што е во бизнисот, се радува на крајот на сезоната.

„Туристите стануваат се понецивилизирани – нè пцујат затоа што им ги спасуваме животите“, навел Есов.

Share on Facebook

Tweet

Follow us

Save