Јотова стана миротворец: Се залага за преговори меѓу Русија и Украина

Бугарскaта потпретседателка Илијана Јотова се залага за преговори меѓу Русија и Украина, велејќи дека во спротивно постои ризик од сериозна ескалација.

„Ситуацијата станува поопасна и пострашна. Претседателот Румен Радев и јас повторуваме дека земјите треба да седнат на преговарачка маса“, рече потпретседателката, цитиранa од Бугарското национално радио (БНР).
Според неа, распоредувањето на повеќе оружје во земјите води до „непредвидливи одлуки“. „Се надевам дека ќе надвладее здравиот разум“, додаде Јотова.

Русија претходно испрати нота до земјите од НАТО поради испораката на оружје за Украина. Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија. Министерството за надворешни работи на Руската Федерација соопшти дека земјите од НАТО „играат со оган“ со тоа што и доставуваат оружје на Украина.

Share on Facebook

Tweet

Follow us

Save