ЈПДП го достави до ОЈОГОКК договорот со Бехтел и Енка
Во текот на вчерашниот ден (4.5.2023 година) ЈП„Државни патишта“ , постапувајќи по барањето на јавниот обвинител од Основното јавно обвинителство за гонење на организиран криминал и корупција, го достави договорот за изведба и надзор над изградбата на коридорите 8 и 10-Д. Претходно, ЈП „Државни патишта“ до обвинителството ги достави броевите на огласите од јавните набавки поврзани со коридорите 8 и 10-д, за кои јавниот обвинител обезбеди пристап до електронската база на податоци на Бирото за јавни набавки.
Договорот, како и содржината на севкупната електронска документација од Електронскиот систем за јавни набавки поврзана со сите постапки за јавните набавки каде како предмет на договор се јавуваат коридорите 8 и 10-д, во наредниот период ќе бидат анализирани во насока на утврдување на елементи на евентуално сторено кривично дело.
Со оглед дека станува збор за обемна документација на јавниот обвинител и тимот на истражители ќе им биде потребно време за анализа и проверка на сите индиции и наводи што месеци наназад се во интерес на јавноста. За секое постапување што нема да ја попречи постапката и ќе може да се сподели со јавноста, обвинителството навреме ќе информира.
ПОВРЗАНИ ВЕСТИ
ЈПДП со добивка од 100 милиони евра…
Јавното претпријатие „Државни патишта“, кое од лани…
ДКСК се „неписмени“, сметаат обвинителите
Основното јавно обвинителство за гонење на организиран…
Комплетирано вештачењето за „Еуростандард Банка“ – Разрешница…
На денешниот брифинг со новинарите, обвинителите од…
ОЈОГОКК ќе го истражува случајот со обезбедувањето…
Основното јавно обвинителство за гонење на организиран…
„Државни патишта“ вработи 143 инкасанти за наплата…
Јавното претпријатие „Државни патишта“ на неопределено време…