ЈП Водовод и канализација постави нов самоуслужен дигитален киоск за наплата на фактури во Сити Мол

ЈП Водовод и канализација – Скопје постави нов самоуслужен дигитален киоск за наплата на фактури во City Mall. Киоскот за наплата на фактурите за услугите на претпријатието е поставен на првиот кат, во делот означен за банкомати, известија од претпријатието.

-Корисниците можат да ја искористат опцијата за брзо плаќање без провизија, преку киосците за наплата кои се поставени на уште четири локации во град Скопје и тоа во: Дирекцијата на ЈП Водовод и канализација – Скопје, Одделението за грижа на корисници во ЈП Комунална Хигиена – Скопје, во ГТЦ на приземје и во Капитол Мол.

ЈП Водовод и канализација – Скопје како претпријатие кое е секогаш во служба на своите корисници и граѓаните на градот Скопје, следејќи ги трендовите на дигитализацијата, овозможува пристап до сите информации за претпријатието преку својата веб страна www.vodovod-skopje.com.mk, но и пристап до електронските сервиси преку e.vodovod-skopje.com.mk, каде на едноставен, лесен и безбеден начин, со следење на приложените упатства корисниците имаат можност да поднесат барање за добивање на електронска фактура. – велат од ЈП Водовод и канализација.

Share on Facebook

Tweet

Follow us

Save