ЌЕ НЀ СНЕМА! Негативен природен прираст во првото тромесечје: се родиле 3.526 бебиња, починале 5.398 луѓе

За над 25 % е намален е и бројот на склучени бракови. Регистрирани се 465 разведени бракови, што претставува намалување од 22.1 % во споредба со истиот период од 2024 година.

Во првото тримесечје од 2025 година бројот на живородените деца е 3 526, и во споредба со истиот период од 2024 е намален за 2.9 %, покажуваат податоците на Државниот завод за статистика.

Бројот на умрените луѓе во првото тримесечје од 2025 година бележи зголемување од 3.8 % во споредба со истото тримесечје од 2024 и изнесува 5 398 лица, а од нив 15 се умрени доенчиња. Природниот прираст е негативен и изнесува -1 872, што значи дека за толку луѓе е помал бројот на живородените деца од бројот на умрените луѓе.

Во ова тримесечје од годината се склучени 1 846 бракови и нивниот број е намален за 25.8 % во споредба со истиот период од 2024 година. Регистрирани се 465 разведени бракови, што претставува намалување од 22.1 % во споредба со истиот период од 2024 година.

Share on Facebook

Tweet

Follow us

Save