Ќе почне ли тогаш “вистинската” војна? Луганск за една недела би требало да стане дел од Русија

Луганската Народна Република треба да стане дел од Руската Федерација во рок од една недела, изјави во интервју за РИА Новости, Родион Мирошник, амбасадор на ЛНР во Москва.

Претходно, претседателот на ЛНР, Леонид Пашечник, објави дека потпишал предлог упатен до претседателот на Русија, Владимир Путин, за прием на републиката во Руската Федерација како нов ентитет.

Според Мирошник, релевантниот договор е речиси готов.

„Мислам дека тоа треба да се случи во рок од една недела. За другите параметри на интеграцијата ќе се разговара во рамките на законите и одлуките што се носат“, рече Мирошник.

Тој појасни дека сега во оваа постапка потребно е да се почитуваат сите параметри што ги бара правниот систем на Руската Федерација.

„Главната работа веќе се случи, референдумот беше одржан. Понатаму, треба јасно да ги запазиме сите параметри што ги бара правниот систем на Руската Федерација и да направиме сè совршено. Значи, да речеме, локомотивата веќе започна, а Тешко е да се запре… На самиот гол сме и сигурно ќе ја поминеме“, додаде тој.

Инаку денеска руската Државна Дума ќе заседава и ќе разгледа измени на законот за влез на нови ентитети во Руската Федерација.

Share on Facebook

Tweet

Follow us

Save