Ќе “јаде” ли и Србија вето од Бугарија? Српски пратеници бараат Софија да ги врати моштите на Стефан Урош II Милутин

Пратениците на српската парламентарна коалиција НАДА побарале од српското Министерство за култура да испрати официјално барање до Бугарија да дозволи враќање во Србија на смртните останки на кралот Милутин, пишува весникот „Данас“.

Моштите на свети Стефан Урош II Милутин се чуваат во престолнината црква „Света Недела“. Поради моштите на Милутин, црквата во Софија била наречена „Свети Цар“ во 19 и во првите децении на 20 век.

По неговата смрт на 29 октомври 1321 година, Стефан Милутин бил прогласен за светец од Православната црква. Погребан е во манастирот Банска. За време на османлиската инвазија, неговите мошти биле транспортирани неколку пати, стигнувајќи до Софија во 1460 година.

Во 2006 година, Српската православна црква положи право на моштите на Стефан Милутин. Претседателот на Србија, Томислав Николиќ, при официјалната посета на Софија на 19 септември 2013 година, доби само парче од наметката на кралот-светец.

Сега српските пратеници бараат моштите на кралот да се земат од Софија и да се преселат на Косово, во Грачаница за да му „докажат на целиот свет чие е Косово и Метохија“.

Share on Facebook

Tweet

Follow us

Save