Џафери открива дали ќе се кандидира за претседател на државата

Претседателот на Собранието, Талат Џафери денеска во емисијата „Клик плус“ одговори на прашањето дали има амбиции да се кандидира за претседател на државата на следните претседателски избори, закажани за следната пролет.

Тоа не е работа што човекот ќе ја посакува, туку работа на проценка. Лично немам амбиции за тоа бидејќи да мислите на нешто што не е остварливо…Тоа не може да биде. Ги гледам реално работите и не можам да очекувам во овие околности и момент, покрај кандидат Македонец, Талат да добие. Лично сум задоволен од својот ангажман за она што ми е доведено досега. Не за задоволстовто од позицијата, туку од одговорното однесување за обврската што сум ја земал. Мене не ми треба контрола на обврските што сум ги земал. Дисциплинирано си одам 40 години на она за што сум платен, рече меѓу другото Џафери во интервјуто.

За уставните измени, собранискиот спикер вели дека „никогаш не ги затворил вратите за ништо“ и дека е оптимист дека ќе се изгласаат. Џафери смета дека тие не се под бугарски диктат, како што тврди опозицијата.

Share on Facebook

Tweet

Follow us

Save