Џипинг денеска во Белград – ќе го пречекаат МиГ-ови: Кинеската делегација ќе ја обезбедуваат 3.400 полицајци

Кинескиот претседател Си Џинпинг денеска доаѓа во официјална посета на Белград, а како што дознава Танјуг, за неговото доаѓање се преземени големи безбедносни мерки, па неговата делегација ќе ја обезбедуваат 3.400 полицајци.

Си ќе го пречекаат српските ловци МиГ-29 кои ќе го следат неговиот авион од границата, а на аеродромот во Белград во негова чест ќе биде построена стража на Војската на Србија.
Покрај автопатот во Белград ќе бидат поставени кинески и српски знамиња, а пред Палатата Србија ќе биде организиран и свечен пречек на кинеската делегација, броена од 400 луѓе, а предвидено е да се потпишат повеќе од 30 договори.

Ќе биде организиран и свечен ручек, а кинескиот претседател ќе има можност да дегустира српски јадења и вина, а ќе се одржи и музичка програма на српски и кинески јазик, која ќе заврши со песната „Ова е Србија“.
Домаќин на кинескиот претседател ќе биде српскиот претседател Александар Вучиќ.
Последен пат Си беше во Србија во 2016 година, што беше прва посета на претседателот на Кина на Србија по 32 години и по тој повод беше потпишана Декларацијата за стратешко партнерство.
Вучиќ се сретна со Кси во октомври минатата година во Пекинг, на третиот форум „Појас и пат“, кога беа потпишани 18 договори, меѓу кои и договорот за слободна трговија меѓу Србија и Кина, кој наскоро треба да стапи во сила.

Ова е прва посета на претседателот Си на Европа во последните пет години, од избувнувањето на пандемијата на Ковид-19, а за време на оваа европска турнеја тој ќе посети само три европски престолнини – Париз, Белград и Будимпешта.
Петдневната турнеја ја започна со посета на Франција на 5 мај, во Белград доаѓа на 7 мај, а потоа ќе ја посети Будимпешта.
На последната средба на кинескиот и српскиот претседател во октомври минатата година во Пекинг, покрај Договорот за слободна трговија, беа потпишани и неколку билатерални документи, како оние за полициска соработка во управувањето со вонредни ситуации, изградбата на патишта, српската Кинески индустриски парк, извоз на јаболка, дигитализација.

Share on Facebook

Tweet

Follow us

Save