“Џомба” за Миркуловски и Стоилов: Македонија треба да се гордее со вас, вие сте пример како треба да се игра за својата држава

Повлекувањето на Филип Миркуловски и на Стојанче Стоилов од македонската репрезентација останува главна тема меѓу ракометарите, кои им оддаваат почит на големите асови кои повеќе од една деценија гинеа бранејќи ги боите на Македонија.

Десното крило на Вардар, Гоце Георгиевски – „Џомба“, преку својот профил на фејсбук ги пофали долгогодишните репрезентативни колеги.

„Едниот клупски, другиот репрезентативен цимер… Македонија треба да биде горда што имаше вакви борци што го даваа својот максимум и се бореа за репрезентативниот дрес, вие сте пример за идната генерација како треба да се игра за својата држава,а мене ми претставува особена чест и задоволство што имав таква привилегија да играм со вас и заедно да ги прославуваме сите репрезентативни успеси“, напиша Георгиевски, крај заедничките фотографии со Стоилов и со Миркуловски.

Линк од Фејсбук статусот: https://www.facebook.com/goce.dzo.mba/posts/pfbid027fCw99VGAfjvYWEtSVxvYmnQjQnk2zphBpfPzQF5T5aayXen7xMwSDzu1dfm7nLml

Share on Facebook

Tweet

Follow us

Save