Џонсон најави испраќање на британски воeни бродови во Југоисточна Европа

Британската влада ја разгледува опцијата да испрати воени бродови во Југоисточна Европа, со цел да ги заштити своите сојузници, изјави британскиот премиер Борис Џонсон во текст за „Тајмс“.

Според него, Британија се подготвува да го зајакне мултинационалниот баталјон на НАТО стациониран во Естонија. Џонсон напиша дека Британија исто така ќе го зголеми својот придонес во Здружените експедициски сили – здружение предводено од Лондон, кое вклучува сили од 10 земји од Скандинавија и северна Европа.

Во текстот се наведува и дека Лондон сака да испрати „тајфун“ борбени авиони на Кралското воздухопловство и бродови на Кралската морнарица, со цел да ја заштити Југоисточна Европа.

Џонсон, сепак, изрази уверување дека кризата во Украина може да се реши со дипломатски средства.

Британскиот премиер рече и дека санкциите и другите мерки ќе бидат подготвени во случај на руски напад врз Украина, а неговата влада ќе побара од парламентот санкции за руски поединци и компании.

„Британските санкции и другите мерки ќе бидат подготвени во случај на каков било руски напад“, напиша тој.

„Владата ќе бара нови овластувања од парламентот за санкционирање на поширок опсег на руски поединци и ентитети, вклучително и секоја компанија поврзана со руската држава или која работи во сектор од стратешко значење за Кремљ“, рече Џонсон во написот.

Share on Facebook

Tweet

Follow us

Save