10 земјотреси во светот во 2026 година со јачина над 7 степени по Рихтер

Силниот земјотрес што во понеделникот ја погоди западна Колумбија е десеттиот земјотрес во светот годинава со магнитуда од најмалку 7 степени, покажуваат податоците наведени во извештајот.

Земјотресот со магнитуда 7,4 степени се случил во утринските часови, со епицентар во близина на Сан Хозе дел Палмар, околу 400 километри западно од главниот град Богота. Потресот бил почувствуван и во Еквадор, Венецуела и Панама, а следел и последователен земјотрес со магнитуда 5,0.

Според досегашните информации, во земјотресот загинале најмалку 111 лица, а има и значителна материјална штета. На повеќе места се урнале објекти, додека спасувачките екипи продолжуваат да пребаруваат низ урнатините во потрага по преживеани.

Колумбискиот земјотрес воедно е најсилниот што ја погодил земјата од 1970 година, кога бил регистриран земјотрес со магнитуда 8,0.

Земјотресот во Колумбија доаѓа само 47 дена по разорните земјотреси што во јуни ја погодија Венецуела и во кои животот го загубија повеќе од 5.000 луѓе.

Со земјотресот во Колумбија, бројот на земјотреси со магнитуда 7,0 или поголема во светот во 2026 година достигна десет.

Share on Facebook

Tweet

Follow us

Save