16 партии и 7 коалиции ќе се борат за победа на изборите во Бугарија

Вкупно 16 партии и 7 коалиции се пријавени од Централната изборна комисија за учество на изборите на 2 април, објасни заменик-претседателката на ЦИК на Бугарија, Росица Матева. Ждрепката со бројките на партиите и коалициите на гласачкото ливче се очекува да се одржи на 1 март. До 17:00 часот на 25 февруари ЦИК ќе прифаќа документи за измени во составот на коалициите. Од понеделник, 20 февруари, ќе се примаат пријавите за набљудувачи. Пријавувањето на кандидатските листи започнува утре (17 февруари).

Следниот четврток ЦИК ќе организира брифинг за разјаснување на повеќе организациски детали во врска со изборите.

Росица Матева соопшти дека е одбиена регистрација на две партии и една коалиција. Според веб-страницата на ЦИК, станува збор за партиите „Бугарски глас“ и „Директна демократија”.

Share on Facebook

Tweet

Follow us

Save