17 повредени во несреќа меѓу автобус и камион во Турција

Седумнаесет лица се повредени денеска во тешка сообраќајна несреќа меѓу автобус и камион на автопатот во близина на градот Дузче, северозападна Турција, јави Си-Ен-Ен-Турција.

Автобусот патувал за Анкара.

Несреќата се случила околу 13 часот по локално време, откако автобусот се судрил со камион кој се движел во истиот правец. Автобусот потоа удрил во заштитната ограда на патот.

На подрачјето на инцидентот се испратени екипи на полицијата, противпожарната служба и многу возила на брза помош.

Возачот останал заробен во возилото, но бил спасен од пожарникарите.

Share on Facebook

Tweet

Follow us

Save