18-километарска колона од камиони на бугарскиот граничен премин „Капитан Андреево“

Втор ден сообраќајот околу граничниот премин „Капитан Андреево“ е особено интензивен. Во моментов, на автопатот „Марица“ меѓу Свиленград и „Капитан Андреево“ има колона од околу 18 километри камиони, пренесуваат бугарските медиуми, повикувајќи се на раководството на граничниот премин.

Причината за создавањето на колоната е зголемениот трговски промет во последните денови, наведуваат оттаму.

Во последното деноноќие на излезната траса кон Турција биле обработени 710 товарни возила. Тоа е целосниот капацитет на бугарскиот граничен премин за едно деноноќие, посочуваат од раководството.

Воспоставена е организација за спречување сообраќајни незгоди во подрачјето каде што се создава колоната. На местото се распоредени патроли на секторот „Сообраќајна полиција“ при Регионалната дирекција на Министерството за внатрешни работи – Хасково.

Share on Facebook

Tweet

Follow us

Save