19-годишен моторџија загина во сообраќајка на Пластичарска

Моторџија на возраст од 19 години загина во фатална сообраќајна несреќа што се случила синоќа во Скопје на Пластичарската улица.

Од Министерството за внатрешни работи информираат дека несреќата била пријавена во 22:21 часот на крстосницата меѓу булеварот „Никола Карев“ и улицата „Прохор Пчински“.

Во сообраќајката учествувале патничко возило „Ауди А4“, управувано од 31-годишниот Н.Х. од скопското село Визбегово, и два мотоцикли – „БМВ“ управуван од 19-годишниот М.Ф. од Скопје и „Хонда ХДВ“ управуван од 21-годишниот Н.Б. од Скопје.

Најтешко повреден бил 19-годишниот М.Ф., кој итно бил пренесен во Комплексот клиники „Мајка Тереза“.

И покрај напорите на лекарите, подоцна им подлегнал на повредите.

Share on Facebook

Tweet

Follow us

Save