296 сообраќајни прекршоци за два дена преку „Сејф сити“ во Охрид, Струга, Кичево и Дебар

Вкупно 296 сообраќајни прекршоци биле регистрирани преку системот за сообраќаен надзор „Безбеден град“ на подрачјата на Охрид, Струга, Кичево и Дебар во првите два дена од неговото функционирање, информираат од СВР Охрид.

На 12 октомври, првиот ден од работата на системот, биле евидентирани 148 прекршоци, а ист број бил регистриран и на 13 октомври, заклучно со 19 часот.

Најголем дел од прекршоците се однесуваат на пречекорување на дозволената брзина, поминување на црвено светло и управување со нерегистрирани возила.

Од полицијата информираат дека прекршоците се документираат, а до сопствениците на возилата се испраќаат известувања преку СМС и електронска пошта.

СВР Охрид апелира возачите да ги почитуваат сообраќајните правила и сигнализацијата, со цел поголема безбедност на патиштата.

Share on Facebook

Tweet

Follow us

Save