31-годишен Македонец загина во тешка сообраќајна несреќа во Италија

Македонски државјанин го загуби животот во тешка сообраќајна несреќа што се случила вчера во Италија, на државниот пат 16 „Адријатика“, во близина на градот Ортона, јавуваат италијанските медиуми.

Според информациите објавени во локалните медиуми, загинатиот е 31-годишниот Стефан Ѓероски, роден во Македонија, кој живеел во Ортона.

Несреќата се случила додека Ѓероски управувал со автомобил „фолксваген голф“. Под засега неутврдени околности, возилото излетало од коловозот, по што силно удрило во потпорен ѕид покрај патот.

Од силината на ударот, 31-годишниот Македонец се здобил со тешки повреди и починал на самото место.

Надлежните италијански служби ги утврдуваат точните причини и околности под кои дошло до трагичната сообраќајна несреќа.

Share on Facebook

Tweet

Follow us

Save