INFOMAX.MK

Коментирајќи ја пансловенската доктрина, која, во контекст на екс-градоначалникот е лоша идеја, Петре Шилегов потврди дека Бугарија сепак има територијални претензии кон Македонија и води негаторска политика кон македонизмот.

„Постов не е историски, политички е:
Идеен, политички и формален творец на “Санстефанска Бугарија” е Русија (Руското царство) во фазата на нејзиниот експанзионизам кон западот на Европа и кон Балканот.
Востановена е во март 1878, но укината под притисок на западните сили на Берлинскиот конгес во јуни/јули истата 1878 година.
Иако “постоела” само 3 месеци, Санстефанска Бугарија станува неостварен сон на “бугарските национални романтичари” и представува основ за експанзионистичките апетити кон Македонија.
Тие 3 месеци се основ на минатите, но и денешните (се надевам не и идните) негаторски политики на Бугарија кон постоењето на македонскиот народ и создавањето на самостојната македонска држава.
Империјалистичките (експанзионистичките) политики ги гледаме и денес, во 21-виот век …
Панславизам ?“ – прашува на крајот на неговата објава екс-градоначалникот на Скопје Петре Шилегов.

Во моментов, Владата на Р.Македонија предводена од СДСМ води преговори со Бугарија по однос на барањата за редефинирање на македонската историја и постоењето на Македонската државност која според бугарската политика постои од 1945 година.

Бугарија тврди и дека Гоце Делчев е Бугарин, Маекдонскиот јазик дијалект на Бугарскиот, а Македонците „збунети Бугари“.