56-годишен Србин загина откако се обиде да спаси човек од давење на Халкидики

Трагичен инцидент го потресе Сарти на Халкидики, каде што животот го загубил 56-годишниот Горан Комазец од Белград, откако влегол во морето за да му помогне на човек кого силните струи го одвлекувале кон отворено море.

Комазец бил на плажа со сопругата и малолетниот син кога слушнал повик за помош. Без да се двоуми, влегол во водата за да се обиде да го спаси непознатиот човек.

По него во морето влегол и неговиот малолетен син. Според неофицијалните информации, по влегувањето во студената вода и големиот физички напор, на Горан најверојатно му откажало срцето.

Спасувачите и медицинските екипи веднаш реагирале и го извлекле на брегот, по што бил итно пренесен во болница. И покрај напорите на лекарите, неговиот живот не можел да биде спасен.

Неговата постапка, во која се обидел да помогне на човек во животна опасност, остави трагичен белег врз семејството и сведоците на несреќата.

Share on Facebook

Tweet

Follow us

Save