6-ти ден безуспешна потрага по 29-годишен маж кој исчезна во водите на браната кај село Дрвош

​Се уште трае потрагата по 29 годишното момче од струмичкото село Дабиле кое пред неколку дена исчезна во водите кај браната Дрвош.

Нуркачи од МВР, семејството, но и жителите од Дабиле кои се самоорганизираат – деноноќно ги пребаруваат водите, но безуспешно. Лошиот терен и заматената вода ја отежнуваат потрагата.

Неговиот брат Столе Петровски за Канал 5 раскажува дека во вода биле заедно со повеќе пријатели, а тој ден кај браната имало и други луѓе кои ловеле риба. Вели се се случи во само неколку секунди, неговиот брат потонал пред неговите очи. Најпрво самиот нурнал и се обидел да му помогне, но безуспешно. Не им било прв пат да пливаат во водите, но објаснува дека имало премногу гранки и дрвја, а водата била премногу матна.

„Јас бев зад него, заедно пливавме пред моите очи потона, на 5-10 чекора. Имаше и уште еден мој пријател и мојата сопруга, но тие беа надвор. Имаше уште две деца кои ловеа риби. Беа на другата страна на брегот, но не е многу далеку. Едното дете влезе во водата, виде дека нешто не е во ред, бидејќи почнав да нуркам, но во водата е многу матно и не се гледа, а и самиот човек колку може да гледа под вода. Јас дадов се од себе да си го спасам братот, но безуспешно.“ изјави за Канал 5 Столе Петровски

Петровски со апел и до институциите да не се откажуваат од потрагата и молба до жителите да помогнат кој колку може, со цел да се пронајде телото на неговиот брат..

„Мојата порака е кој колку може да ми помогне, да дојдат, може има постручни, …само тоа ми треба, друго немам што да кажам…“ кажа за Канал 5 Столе Петровски

Инцидентот се случил во неделата, на 16ти месецов, попладнето околу 14 часот. Семејството повикало брза помош, која веднаш пријавила во полиција. На терен излегле и пожарникари, а во потрагата два дена вклучена била и нуркачка екипа од МВР.

Share on Facebook

Tweet

Follow us

Save