70 милиони денари за проекти од програмата за рамномерен развој во Североисточниот регион
Министерството за локална самоуправа и Бирото за рамномерен регионален развој, преку програмата за рамномерен регионален развој во 2021/22 година, обезбеди 70 милиони денари за проекти во општините од Североисточниот регион. Проектите ги имплементира Центарот за развој на Североисточниот Плански Регион, а предвидено е да се завршат до крајот на годината.
Во Куманово се работи на проектот „Изградба на смарт парк – Градски парк Куманово“, кој предвидува реконструкција на постоечките и изградба на нови рекреативни содржини, како и инсталирање на нова модерна урбана опрема, единствена во градот. Вредноста на целата инвестиција е од 11,22 милиони денари (околу 180 илјади евра).
- Во Општина Кратово одобрени се средства за реконструкција на Домот на култура, т.н. Турски затвор, кој е споменик на култура и за еден сообраќаен проект за подобрување на сигнализација и визуелизација и поставување на табли во самиот град. Во Општина Крива Паланка планирано е довршување на еден проект кој го работиме во неколку фази, практично вмрежување на движење освен на жителите на Крива Паланка и туристите. Проекто се вика „За поубава Крива Паланка“, предвидено е поставување на бекатон плочки, меѓутоа и поставување на настрешница и табли кон манастирот Јоаким Осоговски. Во Општина Ракновце приоритет им беше да се интервенира на три локации, реконструција на локалниот пат Ветуница-Ранковце, Десетак Милин до Крајчина Маало и третиот е реконструкција на улици во селото Ранковце, вели Младен Протиќ, директор на Центарот за развој на Североисточниот плански регион.
Во Општина Старо Нагоричане дадоа предлог за две активности, и тоа едната е реконструција на локален пат од маало Попчинци до маало Богдановци, а вториот е реконструкција на општинската зграда, со објект за промоција на туристичкиот потенцијал и прием на репрезентативни гости кои ја посетуваат општината.
Општина Липково со сопствено учество ќе работи на изградба на патишта до селото Отља и во село Виштица.
ПОВРЗАНИ ВЕСТИ
Петровска: Да бидеме горди, нашата држава е…
Министерката за одбрана Славјанка Петровска во дневникот…
Македонија е меѓу подобрите на Балканот: Еве…
Грција има 114.12 тони резерви на злато,…
Ковачевски во Виена: Економската соработка и интеграција…
Економската соработка и интеграцијата на земјите е…
Арсовска: И покрај блокадата од Советот реализирани…
Одговорноста заевентуалната нереализација на проектите од програмата…
Османи: ОБСЕ работи на обезбедување мир и…
Македонскиот министер за надворешни работи, Бујар Османи,…