85.000 вработени во државната администрација во септември ќе добијат 10% поголема плата, се пофали Бесими

Министерството за финансии соопшти дека е постигнат договор со синдикатите на вработените во државната администрација и дека според договорот 85.000 вработени во државна администрација на централно ниво, буџетските корисници и во установите ќе добијат покачување од 10% со септемвриската плата.

„Исто така ќе им биде исплатен к-15 од 10.000 денари, за што ќе се обезбедат средства со ребалансот на Буџетот во септември“, изјави министерот за финансии, Фатмир Бесими во гостување на емисијата „24 Анализа“.

Министерот рече дека е договорено и воведување на системско решение за редовно покачување на платите во јавниот сектор од 2025 година, како и дека од следната година регресот за годишен одмор ќе се исплаќа во вредност од 30% од просечната исплатена плата.

Тој рече дека Министерството за фианнсии ќе почне со подготовка на ребаланс со кој ќе се обезбедат средства за покачувањето на платите на администрацијата од септември и исплата на к-15.

Share on Facebook

Tweet

Follow us

Save