ЕУ ги суспендираше: Британците изгубија скоро 50.000 веб-страници поради Брегзит

Околу 48.000 имиња на интернет домени кои им припаѓаат на граѓани и организации на Велика Британија – вклучително и страницата Leave.eu, која го поддржуваше Брегзит – беа отстранети на неодредено време од понеделник, по отповикувањето на нивните имиња на домени .eu од агенцијата задолжена за регистрации.

Овој потег го означува последниот чекор во тековниот процес откако Обединетото Кралство се повлече од ЕУ на 31 јануари 2020 година.

На сопствениците на .eu домени со седиште во Велика Британија им беше кажано дека треба да ја докажат подобноста за домен на ЕУ; во спротивно, тие би ризикувале да бидат суспендирани, што значи дека нивните домени нема да можат да поддржат функционалност за хостирање на веб-страници или е-пошта.

За да регистрираат домен .eu, поединците мора да бидат или граѓани или жители на блокот, а организации треба да се основаат во ЕУ.

Повеќе од 80.000 веб-локации беа погодени со статус „суспендиран“, по завршувањето на преодниот период на Брегзит на 31 декември 2020 година. До јули минатата година, оние што не успеаја да докажат подобност беа ставени во статус „повлечени“ до понеделник , кога нивните .eu домени беа отповикани на неодредено време.

„Во текот на изминатите 12 месеци нашиот персонал работи неуморно за да ги поддржи носителите на овие имиња на домени и да ги следи бројните барања за враќање на име на домен во регистриран статус веднаш штом се исполнети критериумите за подобност“, рече портпаролот на EURid во понеделникот.

Оние кои поседуваат жителство или државјанство на Европската унија ќе можат веднаш да ги пререгистрираат домените .eu кои се отповикани од понеделник.

Портпаролот на EURid, управителот на регистарот на домени на ЕУ, рече дека 48.000 имиња на домени „ќе станат достапни за општа регистрација по принципот прв дојден, прв услужен“ во серии во текот на понеделник.

Share on Facebook

Tweet

Follow us

Save