Му се јавив на Мицкоски, договоривме средба наскоро, најави Ковачевски
Нормално е, смета премиерот, двете најголеми партии да комуницираат бидејќи имаме предизвици како што се пандемијата, енергетската и здравствената криза, но и евроинтеграцискиот процес.
Премиерот и лидер на СДСМ Димитар Ковачевски информираше дека утрово се слушнал со претседателот на ВМРО-ДПМНЕ, Христијан Мицкоски и дека договориле средба која треба да се случи наскоро.
„Утрово му се јавив на претседателот на ВМРО-ДПМНЕ Христијан Мицкоски и се договоривме наредниот период, многу скоро, да организираме средба. Таа средба можеше да се случи и порано, но заради зафатената агенда во Владата, како и заради тоа што двајцата секретари на СДСМ беа во изолација поради инфекција со вирусот, денеска почнавме со организација на таа средба и таа ќе се случи наскоро“, – изјави Ковачевски во интервју за националниот сервис МРТ1.
Тој смета дека е природно и нормално двете партии – најголемата на власт и во опозиција, да комуницираат меѓу себе бидејќи, како што рече, пред нас имаме многу предизвици кои се поврзани со справувањето со здравствената пандемија, со енергетската и топлинската криза во државата, како и со евроинтеграцискиот процес. Евроинтегративниот процес, рече тој, не го гледа само низ разговори со Бугарија, туку и како еден цел концепт на реформи во македонското општество, вклучително и реформи во правосудството, реформи во борбата против корупцијата и криминалот.
ПОВРЗАНИ ВЕСТИ
Филипче: СДСМ нема да трпи уцени, ќе…
Носителот на изборната листа четири на СДСМ…
Кoвачевски: СДСМ не прифаќа никакви условувања и…
„СДСМ не прифаќа никакви условувања и со…
(Документи+видео) Нови 52,8 МИЛИОНИ денари за Стентон…
Тони Коњановски уште еднаш го позлати Стентон…
Ковачевски од Неготино: Македонија треба да гласа…
Претседателот на СДСМ, Димитар Ковачевски, вечерва од…
Граѓаните што гласаа за ЗНАМ, практично, гласаа…
Максим Димитриевски и неговата партија ЗНАМ имаат…