Елитни американски вoeни единици пристигнаа во Украина
Авион со неколку десетици елитни американски војници и опрема е забележан како денеска слетува во југоисточна Полска во близина на границата со Украина, јави американската телевизија Еј-Би-Си.
Војниците пристигнаа по наредба на претседателот Џо Бајден во Полска да бидат распоредени 1.700 војници поради стравувањата од руска инвазија на Украина. Планирано е распоредување и на околу 1300 америкнаски војници во Романија.
Вчера, со авион во Полска пристигна командантот на 82. воздушнодесантна дивизија, генерал-мајор Кристофер Донаху. Инаку, на 30 август тој беше последниот американски војник што го напушти Авганистан.
Бајден нареди дополнителни американски војници да бидат распоредени во Полска, Романија и Германија за да покажат посветеност и на сојузниците и на непријателите од источното крило на НАТО поради растечките тензии меѓу Русија и Украина. Полска, членка на НАТО, се граничи со Русија и Украина, Романија се граничи со Украина. Дивизијата може брзо да се распореди во рок од 18 часа и да започне со напади со падобран за да ги обезбеди клучните цели.
ПОВРЗАНИ ВЕСТИ
Украинската армија доби нов командант
Украинскиот претседател Володимир Зеленски денес го назначи…
Трамп две недели ќе одлучува дали ќе…
Американскиот претседател Доналд Трамп ќе одлучи дали…
Израел очекува одлука на САД за приклучување…
Израел сè уште очекува дека американскиот претседател…
Русија и Украина повторно разменија заробеници
Нова група руски војници е вратена од…
Русија: САД да не се мешаат во…
Русија ги предупредува САД да не се…