Лукашенко прeсече: Руските војници остануваат во Белорусија додека Путин не одлучи поинаку

Белорускиот претседател Александар Лукашенко го оцени како глупост тврдењето дека е подготвен да ја нападне Украина.

Зборувајќи за тоа кога руските војници ќе бидат повлечени од Белорусија, каде што се водат заеднички воени вежби, Лукашенко рече дека Американците префрлаат илјадници војници на границата со Белорусија, директно во Полска и балтичките земји.

Тој посочи дека западните земји не зборуваат за тоа, туку вршат притисок врз Белорусија.

Тој изјави дека руските војници ќе се повлечат од Белорусија кога ќе се донесе одлука со претседателот на Русија и кога ќе завршат вежбите.

Во Белорусија во тек е заедничка руско-белоруска воена вежба во услови на ескалација на тензиите меѓу Русија и Западот околу Украина.

Share on Facebook

Tweet

Follow us

Save