ВМРО-ДПМНЕ: Човек кој тепаше жени ќе ја претставува Македонија во Обединетите Нации

ВМРО-ДПМНЕ реагираше на одлуката на Претседателот Пендаровски да го назначи Љубомир Фрчкоски за амбасадор на Македонија во Обединетите нации.

Ја пренесуваме реакцијата на партијата во целост:

“Тежок блам за Пендаровски, човек кој тепаше жени ќе ја преставува државата во ООН.

Љубомир Фрчкоски е човек кој беше пријавен за тепање на жена на паркинг, тој е човекот кој беше обвинет за учество во шверцот на нафта и цигари во 90тите години.Во време на Фрчкоски се случи атентатот врз Претседателот Киро Глигоров, кој потоа никогаш не беше расчистен.

Љубомир Фрчкоски е човек со сомнително минато, кој ќе остане запаметен по скандали и криминали.Соединетите американски држави не го прифатија Фрчкоски за амбасадор во Вашингтон, а сега Пендаровски го праќа на нивна територија во Њујорк. Пендаровски ги потценува САД.

Пендаровски го нарушува угледот на Македонија.” – стои во партиското соопштение.

Share on Facebook

Tweet

Follow us

Save