Вечерва започнува предизборниот молк во Србија

Во Србија од полноќ почнува изборен молк пред вонредните парламентарни, редовните претседателски и редовните локални избори за Белград и 12 локални самоуправи, кој ќе трае до недела, 3 април, до 20 часот, кога се затвораат избирачките места, јави доспиникот на МИА од Белград.

За време на изборниот молк се забранува изборна пропаганда, одржување предизборни собири на јавни места и објавување проценки за изборните резултати.

Забрането е истакнување симболи на политички партии и друг пропаганден материјал на гласачките места и на 50 метри од нив.

Доколку не се почитува оваа одредба, избирачкиот одбор по закон се распушта, а гласањето се повторува на тоа избирачко место.

Share on Facebook

Tweet

Follow us

Save