(Видео) Русофилија во срцето на ЕУ: Голем проруски протест во Берлин

Проруската поворка автомобили попладнево помина од градската железничка станица во Аренсфелд до градското собрание во Шпандау во Берлин, пишува „Берлинер цајтунг“, повикувајќи се на извори во полицијата.

Учествуваа околу 900 луѓе, а на автомобилите беа закачени руски и германски знамиња, истакната е буквата „З“, како и грбот на Русија.

Според првите информации немало никакви инциденти.

„Сè уште немаме конечен извештај“, изјави портпаролот на полицијата.

Проруската поворка во германската престолнина беше објавена како протест против дискриминацијата на луѓето од руско потекло. „Нема пропаганда на училиште, заштита на луѓето што зборуваат руски, нема дискриминација“, беше мотото на парадата.

Share on Facebook

Tweet

Follow us

Save