Ги “префати” од Македонија: Косовските синдикати бараат зголемување на минималната плата на 400 евра
Независниот синдикат на приватниот сектор на Косово (СПСПК) изрази незадоволство од нацрт-законот што денеска го усвои владата на Албин Курти, со кој се предвидува минималната месечна плата во земјата да изнесува 250 евра, и останува на барањето таа да биде 400 евра, јави дописникот на МИА од Приштина.
Претседателот на синдикатот на приватниците, Јусуф Аземи, изјави дека една од главните причини за таквото барање е недостигот на работна сила во државата.
– СПСПК останува на ставот дека минимална плата под 400 евра не може да се прифати. За оваа плата ние како пример зедовме едно четтиричлено семејство и видовме дека за неговите минимални потреби не се доволни ниту 460 евра. Дополнителна причина зошто го бараме тој минимум е недостигот на работна сила. За нашите улуги кои им ги даваме на сопствениците на компаниите сега ние ја одредуваме цената, изјави Аземи на прес-конференција.
Според СПСПК, и начинот на кој се нашол предлог-законот во владата е незаконски.
– Минималната плата се предлага од Економско-социјалниот совет на Владата, а Владата го праќа во Собрание. Советот не е прашан воопшто и во Владата е испратен на незаконски начин. Ние можеме да го гледаме како позитивно зголемувањето, но тоа не ги исполнува ниту елементарните потреби, изјави Аземи. иа
Извор: Слободен печат
ПОВРЗАНИ ВЕСТИ
Курти: Повеќе од милион граѓани попишани на…
Остануваат уште две недели до крајот на…
Вучиќ: По гласањето за Резолуцијата за Сребреница…
Генералното собрание на ОН најверојатно ќе гласа…
ЕУ му врати на Курти: Не одлучувате…
Европската унија ќе ги укине мерките против…
Петковиќ удри по Бакојани: СРАМ ДА ВИ…
Директорот на Канцеларијата за Косово и Метохија,…
Спајиќ: Црна Гора ја сака Србија, но…
Црногорскиот премиер Милојко Спајиќ во интервју за…