Центар Жупа повторно остана без градоначалник
И по денешното повторено гласање, жителите на Општина Центар Жупа не избраа градоначалник. Според изборните штабови на кандидатите, и овој пат не е обезбеден потребниот цензус од 1/3 од вкупното гласачко тело од 7 077 гласачи.
Од таму додаваат дека на денешното гласање правото го оствариле 29,68 отсто, што е за околу 4 отсто помалку од потребниот цензус.
На локалните избори на 17 октомври минатата година право на глас имаа 7 317, а го остварија 25,77 отсто.
Денешниот изборен ден мина без проблеми на сите 16 гласачки места.
За да гласаат беа пристигнати околу 700 иселеници од ова подрачје, кои живеат и работат во Италија.
Во трка за градоначалничката функција, како и на 17 октомври минатата година, беа Аријан Ибраим, предложен од Турската демократска партија, кој довербата од граѓаните ја бараше третпат и Шаин Шаќир од партијата Движење за национално единство на Турците.
Извор: МИА
ПОВРЗАНИ ВЕСТИ
Герасимовски: Доставена иницијатива до ЗЕЛС за итни…
Општина Центар поднесе иницијатива до ЗЕЛС со…
Еднократна помош од 2500 денари ќе добијат…
Заврши јавниот повик за доделување еднократна парична…
Се лепат опомени за хаварисани возила во…
Општина Центар, во соработка со ПОЦ и…
Хаварисаните возила заминуваат од Центар, „пајакот“ ги…
Општина Центар во заедничка акција со ПОЦ…
Полицијата приведе малолетник од Скопје: Шетал низ…
Полицијата во Скопје синоќа привела малолетник, кој…